Иҗат – хезмәт...

Иҗат – хезмәт. Әлбәттә, әдәби әсәрне күктән иңгән нәрсә, ходай бүләге дип исәпләүчеләр дә бардыр. Әмма кайдан иңеп, кем бүләге генә булмасын, бер әсәр дә әзер килеш өстәлеңә килеп ятмый. Аны үзең эшлисең. Төрле вариантлар уйлап карыйсың, әйтергә теләгәнеңне көчәйтерлек детальләр эзлисең, кыскасы, укучыга кызыклырак, аңлаешлырак, тәэсирлерәк булсын өчен тырышасың. Бу җәһәттән аны өй салу белән дә, татлы ризык пешерү белән дә, затлы бизәнгечләр эшләү белән дә - теләсә-нинди һөнәр белән чагыштырырга мөмкин.

Әмма ул күпкә катлаулырак, авыррак һөнәр. Талант та, характер да, тормыш һәм иҗат тәҗрибәсе дә кирәк аның өчен.

Шуңа күрә, яшьли башлаган язучылар да бары тик гомеренең икенче яртысында гына танылу таба, сизелерлек уңышка ирешә.

Язучы – профессионал, үз эшенең остасы (булырга тиеш). Шулай булмаган хәлдә, ул язучы түгел, ә “әдәбият сөюче” дигән даирәнең каләм тибрәтүче бер вәкиле генә.

Әмма дүрт өлкә бар: сәясәт, табиблык, сәнгать һәм әдәбият. Дөньяның һәрбер кешесе диярлек бу мәсьәләләрдә үзен белдекле дип уйлый һәм, бернинди тартынусыз, профессионалны өйрәтергә алына. Һе-һе-һе...

Обновлено (30.12.2011 04:41)

Иҗат – хезмәт...

Добавить комментарий